კასპის მუნიციპალიტეტის მერია
Kaspi Municipality City Hall
0 371 22 24 48
ცხელი ხაზი
ქვათახევის სამონასტრო კომპლექსი
ქვათახევის სამონასტრო კომპლექსი
ქართლის მოურავი გიორგი სააკაძე
ქართლის მოურავი გიორგი სააკაძე
რკონი თამრ მეფის ხიდი
რკონი თამრ მეფის ხიდი
 კასპის კულტურის ცენტრი
კასპის კულტურის ცენტრი
კასპის სპორტკომპლექსი
კასპის სპორტკომპლექსი
სხვილოს ციხე
სხვილოს ციხე

 

სიახლე

 

#განახლებულირეგიონები #გაიგერაკეთდებაშენსქალაქში
15 აგვ 2021
 
შიდა ქართლში პროგრამის „განახლებული რეგიონები" ფარგლებში სამუშაოები ინტენსიურად მიმდინარეობს
საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ და შიდა ქართლის სახელმწიფო რწმუნებლმა ვალერიან მჭედლიძემ რეგიონის მუნიციპალიტეტების მერებთან ერთად პროგრამის „განახლებული რეგიონები“ ფარგლებში მიმდინარე სამუშაოები დათვალიერიეს.
ქალაქ გორში დაწყებულია ცენტრალურ (სტალინის) გამზირზე მდებარე შენობების რეაბილიტაცია, კასპში მიმდინარეობს ქალაქის ცენტრში მდებარე შენობებისა და გიორგი სააკაძის სახელობის სკვერის რეაბილიტაცია. ასევე, დაწყებულია ქარელის ცენტრალური მოედნის, მიმდებარე შენობებისა და სკვერის, ხოლო ხაშურში რკინიგზის სადგურის რეაბილიტაცია.
როგორც შეხვედრისას აღინიშნა, პროექტის ფარგლებში დაგეგმილია როგორც მუზეუმების, ისე საცხოვრებელი სახლების, სახელმწიფო დაწესებულებების, პარკებისა და სკვერების რეაბილიტაცია. მოსამზადებელი - საიზოლაციო, ლესვითი და სხვა სამუშაოები უკვე დასრულებულია. გარდა ამისა, აქტიურად მიმდინარეობს მუშაობა ახალი ფუნქციების შექმნის მიმართულებით, სადაც სკვერებში და პარკებში იქნება განახლებული და ზოგიერთ შემთხვევაში საერთოდ ახალი სივრცეები ბავშვებისთვის, დამსვენებლებისთვის, ადგილობრივებისთვის და ტურისტებისთვის. სამუშაოები ეტაპობრივად მიმდინარეობს, პირველი ეტაპის დასრულება კი სექტემბრისთვისაა დაგეგმილი.
4-წლიანი პროგრამა, რომელიც საქართველოს 63 მუნიციპალიტეტს მოიცავს და მისი მხოლოდ პირველი ეტაპის საორიენტაციო ღირებულება 500 მილიონი ლარია, ითვალისწინებს რეგიონების ურბანულ განახლებას, რაც სახელმწიფოს, მუნიციპალიტეტის და კერძო საკუთრებაში არსებული მნიშვნელოვანი ობიექტის განვითარებას გულისხმობს.
პროექტები მუნიციპალიტეტის წარმომადგენლების უშუალო ჩართულობით სპეციალურმა კომისიამ დაამტკიცა, ხოლო სამშენებლო კომპანიები, რომლებმაც უკვე დაიწყეს მოსამზადებელი და სამშენებლო სამუშაოები ინფრასტრუქტურის სამინისტროს მუნიციპალური განვითარების ფონდის მიერ გამოცხადებული ელექტრონული ტენდერებით შეირჩა. სპეციალური კომისიის შემადგენლობაში შედიოდნენ როგორც ადგილობრივი თვითმმართველობის, ისე ცენტრალური ხელისუფლების წარმომადგენლები და სივრცითი დაგეგმარების სპეციალისტები.
 
მიმაგრებული სურათები
 
მნახველთა რაოდენობა: 305
 
 
 
სიახლე
ოქტ 17 კვ 2021
154
ოქტ 05 სამ 2021
94